تعرف علي طريقة عمل الرز الريزو والفراخ الاستربس

طريقة الرز
ربع كوبايه زيت ف حله ع النار حنضيفلها كوبايتين رز وبصلايه مبشوره صغيره ونضيف التوابل (معلقه صغير ملح. رشه فلفل. معلقه بابريكا. معلقه كركم. معلقه بهارات فراخ. معلقه كبيره مسترده.معلقه كبيره كاتشب)
ونقلب كويس وبعدين نضيف معلقتين كبار عسل اسمر ونضيف كوبايتين ونص مايه واول ما الرز يشرب المايه نوطي خالص.

طريقه عمل الاستربس
فراخ بانيه نقطعوها صوابع ونغسلها كويس
ف الخلاط نضرب بصلايه معاها تلت كوبايه زيت معلقه مسترده ملح وفلفل وبابريكا وبهارات فراخ ولمونه كبيره
ونضيف الخليط علي الفراخ ونسيبهم 4 ساعات ويفضل ليله كامله
بعدين ح نجيب كوبايتين دقيق معلقه كبيره نشا ملح وفلفل وبابريكا وتوم بودر وبصل بودر وكوبايه مايه ونقلب والخليط مايكون لا سايل ولا تقيل
يكون متوسط
ح ننزل الفراخ ف الدقيق وبعدين الخليط وبعدين الدقيق وعلي نار عاليه ننزل الاستربس
لو قطع فراخ ح ننزل علي نار عاليه وبعدين نخلي النار متوسطه.