تعرف على طريقة عمل كفته بالمشروم صوص

المكونات :
نص كيلو لحمه مفرومه
بصله مفرومه ناعم
معلقه كبيره بقسماط
ملح وفلفل
زبده

الصوص :
مشروم فريش او معلب
كيس ديمجلاس من كنور
بصله صغيره مفرومه
نص لتر ميه
نص كوب كريمه

الطريقه :
هنقلب اللحمه مع البصل و البقسماط و الملح و الفلفل و بعدين نشكلها كور و ندخلها التلاجه تتشمع نص ساعه .
هنجيب طاسه على النار و نحط فيها زبده و ننزل الكفته تاخد لون و نطلعها و نزود زبده تاني و ننزل البصل و المشروم نشوحهم و ندوب الديمجلاس في الميه و نضيفه على المشروم و نسيبه بغلي دقيقتين و نرجع الكفته في الصوص و نغطي و نسيبها تكمل تسويه و قبل ما نطفي نضيف الكريمه و نقلب و نقدمها بالهنا.