تعرف على طريقة عمل الفتة المصرية

الطريقة:
صلصة الفتة:
نشوح معلقتين كبار من الثوم مع معلقتين من السمن البلدي لما يبقى لونه دهبي ننزل بنص كوب خل ونقلب ونقسم الكمية نصين نص بنحتفظ بية لاضافته على وش الفتة والنص التاني نضيف عليه كيلو من عصير الطماطم المتصفي وملح وفلفل ونسيبها على نار وسط ٢٠ دقيقة تتسبك
الارز:
٣ كوب ارز مصري مغسول ومتصفي جيداً
نشوحهم مع معلقة سمن ومعلقة زيت لغاية ما يسخنوا ويتغلف الارز كله بالسمن نضيف ٣ اكواب ماء مغلي ومعلقة صغيرة ونص ملح ونهدي النار خالص لمدة ١٥ دقيقة يستوي
العيش:
نقطع عيش بلدي ونحمرة في السمن في طاسة مع معلقة ثوم مفروم او يدخل الفرن يتحمص مع التقليب مرة او مرتين
نرص العيش في بايركس مع معلقتين من شوربة اللحم ثم الارز والصلصة واللحم المحمر او المسلوق و نضيف من طشة الثوم اللي شيلنا نصها على وش الفتة الفيديو على بروفايلي فيه تفاصيل وتكات مهـمة
وبالهنا.