تعرف على طريقة عمل كوكيز الشيكولاتة

المقادير:

كوب دقيق

١/٣ كوب كاكاو خام
١/٢ كوب سكر ابيض
١/٢ كوب سكر بني
١/٣ كوب زبدة سايلة
١ بيضة كاملة
١ صفار بيضة
معلقة صغيرة بيكنج صودا
فانيليا
رشة ملح
مكعبات شيكولاتة بيضاء للحشوة
مكعبات شيكولاتة للوش

الطريقة:
هنحط الدقيق علي الكاكاو والبيكنج صودا ورشة الملح وننخلهم مع بعض ونجيب بولة تانية نحط الزبدة السايلة وعليها السكر البني والابيض ونضربهم لمدة دقيقتين بالمضرب اليدوي وبعد كدة نحط البيضة وصفار البيضة وعليهم الفانيليا ونخلط جامد لمدة ٤ دقايق لحد ما الخليط يبقي ناعم ولونه فاتح نحط المكونات الجافة عليه ونخلط بمعلقة ونجيب معلقة الايس كريم ناخد بيها جزء جزء ونحط جواها مكعب شيكولاتة بيضاء ومكعبات شيكولاتة علي وشها و نحطهم علي ورق زبدة ونبعد كل واحدة عن التانية بمسافةوندخلها الفرن لمدة ٩ دقايق ونطلعها وبالهنا والشفا.