السيسي يتوعد للمخالفين هتدفعوا كويس علشان أصلح اللي عملتوه

قال الرئيس عبدالفتاح السيسي إن محافظة الإسكندرية بها مخالفات كبيرة، مستنكرا "حد يعمل 88 مخالفة؟.. حد يعمل 60 مخالفة وحد يبني 23 عمارة بارتفاع 20 دور على أرض مش بتاعته.. لأ الدولة موجودة بكل جهاتها والمواطن موجود ولازم متتفرجش على حد بيغتصب أرض بلدك ويبني عليها ويغتني منها وأنت قاعد تتفرج عليه".

وأضاف السيسي خلال حديثه بإحتفالية افتتاح عدد من المشروعات القومية وعلى رأسها حي الأسمرات بمرحلته الثالثة: "إحنا دولة وهتبقى دولة مظبوط ولن نسمح لأي فئة بتحاول تكسب.. بقولكو هتدفعوا كويس وهآخد مظبوط مش علشان متغاظ من حاجة بس علشان أصلح مظبوط اللي أنتوا عملتوه.. اللي بتعملوه ده بيهد بلدنا".

وتسائل الرئيس السيسي عن موعد الإنتهاء من مشروع تطوير سور مجرى العيون، وقال وزير الإسكان: "شغالين فيه والـ95 فدان خلال سنوات"، واعترض الرئيس السيسي: "لأ يادكتور مصطفى إحنا هنفتتح ده مع العاصمة الإدارية.. مش معاكو فلوس؟"، ورد وزير الإسكان: "معانا يافندم وأخدنا".