«أي سندوتش بجنية» بيقولوا ببيع لحم قطط وكلاب ده لحم بلدي

"بيع كتير ..تكسب أكثر" عشرين عام على بيع سندوتش الكبدة والسجق والهمبرجر والكفته والحوواشي بـ "جنية" صاحب عربية الغلابة ويدعي "عمي سمير" هذا ما يطلق عليه لبيعه السندواتش بجنية.

وقال صاحب العربية:" أنا طول عمري في الشغلانة دي وبعمل كل حاجة بأيدي وبجيب اللحمة من المدبح وباجي أقف في سوق الجمعة في السيدة عيشة وماشي بمنطق "بيع كتير ..تكسب أكثر" وناس قالت أن ببيع لحم قطط وكلاب وأنا بجيب لحم بلدي وعندي محل في السيدة زينب بس ببيع السندوتش في السيدة زينب بـ 5 "جنية" .

وأستكمل "أنا بحب أجي يوم سوق الجمعة علشان ببيع كتير والرزق بيبقي كتير والناس عرفاني من أيام التحرير لأني بقالي عشرين سنة في الشغلانة دي وعندي 4 بنات بنت محامية وبكالوريوس تجارة وكلية هندسة وفي ثانوي.