50 سنة السيسي يمارس لعبة الكاراتيه: بتعلمني الانضباط والخلق الحسن

تحدث الشاب أحمد طارق 25 سنة، بطل سباحة وألعاب قوى وفنان كوميدى، "إزاى حضرتك يا سيادة الرئيس.. ايه الرياضة المفضلة لحضرتك وتبحبها وتمارسها"، ليرد عليه الرئيس السيسى: "اللعبة دى بمارسها من 50 سنة.. وكانت لعبة جديدة لعبة الكاراتيه.. لعبة شديدة الانضباط والأدب والخلق الحسن.. وبتعلم صحابها القيم والمبادئ.. الكاراتيه عنده نموذج فريد فى السلوك والقدرة والتعاون والاحترام.. ودى اللعبة اللى بحبها.. ولكن لا أمارسها حاليا وحفظها كويس وقعدت عمر كبير ألعبها".

وردا على سؤال من الشاب أحمد: "أنت مبسوط وأنت رئيس الجمهروية" قال الرئيس عبد الفتاح السيسى: "ده سؤال صعب اوى.. أنا في النقطة دى بالذات بقول يا رب أنت تمكن هذا الأمر.. يؤتى الملك من يشاء.. وينزع الملك من تشاء.. وبقول لربنا زى ما حملتنى المسئولية.. ساعدنى واعطينى وقدرنى أن اسعد الدنيا كلها.. ولو ده قدرت عملته هكون راضى انى توليت الوظيفة دى.. ودائما اطلب منه أنه يساعدنى.. ومصر أم الدنيا وهتفضل قد الدنيا بفضل الله وفضلكم".