«مابقتش بتعاكس واتجوزت 3 شهور بس».. حورية فرغلي تثير الجدل بأسرار صادمة لأول مرة

كشفت الفنانة حورية فرغلي، عن تجربة زواجها السابقة التى استمرت لمدة ثلاثة أشهر فقط، قائلة: «اتجوزت 3 شهور بس وكنت مخطوبة قبلها من حب عمري ومات قبل فرحي بيوم ولما جيت مصر ماما كانت عايزة تطلعني من اللي أنا فيه فدخلتني مسابقة ميس ايجيبت».

وأضافت فرغلي خلال لقائها ببرنامج «حبر سري» الذي يذاع عبر فضائية «القاهرة والناس»: «كانت والدتي بتاخدني النادي كل يوم وهو شافني في النادي واتعرف على مامي واتقدم لي وحصل جواز ومكنش فيه حب واحنا أصحاب قوي على فكرة لحد دلوقتي وبيحلف بالبامية بتاعتي وهو اتجوز وخلف ومبسوط وأنا مبسوطة اني شفته مبسوط».

وتابعت: «كنت أحسن فارسة في الوطن العربي ومكنتش شايفة نفسي في الموضوع ده ولو أنا حبيت حاجة وهعملها لازم أبقى رقم واحد يا إما معملهاش خالص».

وأكملت: «أنا دلوقتي مفيش أي قصة حب، والله كمان مش بتعاكس في الشارع، وفي سن معين عايزة تحبي وتتحبي والحب ده زي الهوا وانتي تعرفي البنت بتحب ولا لأ من عنيها لما عنيها تبقى بتبرق ومبتسمة وبيبان عليها إنها في علاقة وأنا للأسف بعيدة عن الحاجات دي بقالي حتى كتير».