جمال العدل: فيلم «صاحب صاحبه» أكتر حاجة خسرتني

أكد المنتج جمال العدل، أنه يتمنى إنتاج عمل فني يجسد شخصية حياة المفكر الراحل فرج فودة، متابعًا: "ظُلم ومازال مظلوما، كان تنويريا مهما جدا وقُتل دون سبب مفهوم، ولازم نظر للأجيال القادمة الأمثلة المهمة، وإزاي إن الجهل والمتعصبين دينيا بيعملوا إيه فينا".

وحول العمل الفني الذي كبده أكبر خسارة، قال العدل، في حواره مع الإعلامية بسمة وهبة مقدمة برنامج "العرافة"، على قناة المحور: "فيلم صاحب صاحبه أكتر عمل خسرني، لكن محصلش إني استجبت لضغط محمد هنيدي، مفيش أي ضغوط".

وتابع: "لما شوفت ورق الفيلم، أنا لا أميل إلى الفانتازيا، ومكنتش حابب أعمله، لكن قررت أعمله، وعملنا فيلم مافيا في نفس الوقت، وكان في دماغنا إن صاحب صاحبه هيصرف على صاحب صاحبه، لكن اللي حصل هو اللي العكس".