محمد محيي يكشف مواصفات فتاة أحلامه

كشف المطرب محمد محيي، عن مواصفات فتاة أحلامه، حيث أكد على أن الحب بالنسبة له مختلف.

وقال محمد محيي، أثناء استضافته في حلقة خاصة من برنامج “كلام الناس”: “ليس لدي مواصفات معينة، الحب عندي حاجة تانية، ومهم بالنسبالي نكون متفاهمين، وده بياخد وقت؛ لأني مش بحب على طول،وأول حب ليا كانت أطول مني كتير، وأصحابي كانوا بيتريقوا عليا”.

وتابع: أغلب الحب مع نفسي، كنت بحب واحدة في الفصل طول السنين في الابتدائي، ومقدرتش أقول، وافتكر وأنا في الجامعة في سنة حبيت واحدة بنظرات، وعملت أغاني وقتها، ولحنت، ومشيت في الشوارع أغني، وما شوفناش بعض، ولا أتكلما مع بعض، والقصة كلها نظرات، وهي اللي محسساني إني ما كنتش بحب لوحدي.