”كنت مخلي الدنيا حلوة وسكر”.. تامر حبيب ينعي الراحل سمير صبري

نعى السيناريست تامر حبيب الراحل سمير صبري، وذلك من خلال حسابه الرسمي على موقع تبادل الصور والفيديوهات "إنستجرام".

ونشر تامر حبيب صورة له، وعلق عليها قائلًا: "ماظنش إن فيه فنان أو أي انسان حضرتك عرفته أو ماعرفتوش وكان محتاج حد يقف جنبه وماكنتش حضرتك اول الموجودين، ماظنش إن فيه حد عرفك أو ماعرفكش وماحبكش وما انبهرش بيك وماظنش إن فيه حد عمل عمل كويس سواء كنت تعرفه أو ماتعرفوش إلا ولقاك بتتصل بيه وبتهنيه وتباركله من قلبك".

وتابع:" ماظنش إن فيه حد جالك وسلم عليك في اي وقت وأي مكان وسواء كنت تعرفه أو ماتعرفوش إلا وسابك وانت سايب فيه أثر عذب وطيب ومربع، مع السلامة ياللي كنت مخلي الدنيا حلوة وسكر".