دينا الشربيني ترد على شائعات خطفها لزوج صديقتها!

حرصت الفنانة دينا الشربيني على الرد عن بعض الشائعات التي طاردتها خلال السنوات الماضية، والتي كان من ضمنها سرقتها رجل من زوجته، الأمر الذي آثار الجدل حول مواقع التواصل الاجتماعي.

وقالت “الشربيني” من خلال لقائها مع الإعلامي أنس بوخش،في حلقة خاصة من برنامجه “ab talks": "في فترة طويلة أوي مثلًا سنتين في حياتي، مش عايزة احكي القصة ولكن هقول الكلام اللي بيتقال، كان الناس بتقول إني أخدت حد من حد.. ده مكنش حقيقي خالص، والوقت ده صحابي قالوا لي قولي إن الموضوع ده كان خلص من سنين طويلة وإن مفيش حاجة، ولكني قررت متكلمش.

وكشفت عن سبب رفضها الرد عن تلك الشائعات قائلة: مش حياتي لوحدي ومكنتش هقدر أطلع اتكلم عن حياة أشخاص، إحنا كنا مع بعض ومش على رأسي بطحة لأرد على تلك الشائعات، مع إني عارفة إن في ناس كتير كرهوني بسبب الموضوع ده اللي هو مش حقيقي.

وتابعت الشربيني قائلة: أنا في حياتي عمومًا بسيب اللي يتكلم يتكلم، وناس كتير بتقولي ده غلط، وإني محتاجة أطلع أتكلم، أنا مش عايزة أعمل كده، ولا أركز مع الحاجات القديمة، أنا عايزة أركز في شغلي وأهلي والناس اللي بحبهم، هما دول اللي فارقين ليا وهما دول اللي عارفين دينا تعمل إيه ومتعملش إيه.