مراد مكرم ” عيالنا بقوا شايفينا رجعيين ومقفلين وخانقينهم.. الله يخرب بيوتكم ”

عيالنا بقوا شايفينا رجعيين ومقفلين وخانقينهم.. الله يخرب بيوتكم” بهذه الكلمات وجه الفنان مراد مكرم نصيحة لمتابعيه علي موقع التواصل الاجتماعي فيس بوك.

كتب مراد عبر صفحته الشخصية على موقع التواصل الاجتماعي فيس بوك نصيحة للاهالي لضرورة الاهتمام بالمبادئ والقيم الأخلاقية قائلا ” أنت ياللي ما بتربيش عيالك، وأنت ياللي بتربيهم غلط، وأنت ياللي مغرق عيالك فلوس وسايبهم يعملوا اللي هم عايزينه، من شرب وسهر ومسخرة، أنت مش بس بتبوظ عيالك، أنت حر يا سيدي إنشالله تولع بيهم، بس أنت بتصعب أوي أوي مهمة الأهالي اللي عايزة تربي عيالهم صح، بالأصول والأخلاق والمعروف والمحبة والتدين المعتدل، لأنك بكل بساطة بتخلق نموذج بيقارن الشباب نفسهم بيه، وبقت الجملة اللي لبانة في بق شبابنا (ما كله بيعمل كده”.

واستكمل الفنان مراد مكرم قائلا “يعني إيه بنتك تقولك أنا بايته بره النهاردة، ووالنبي ما تقوليش أنا واثق في بنتي، ما كلنا واثقين في بناتنا، بس حضرتك واثق في الآخرين كمان؟ وتربيتهم لولادهم وبناتهم؟ والنبي يا جماعة اتعبوا شوية في تربية عيالكم، ربنا هيحاسبكم علي الوديعة اللي ادهالكم، وارحمونا من القرف اللي بنشوفه والمناقشات التي لا تنتهي مع عيالنا إن ده غلط.. لحد ما عيالنا بقوا شايفينا رجعيين ومقفلين وخانقينهم.. الله يخرب بيوتكم”

الجدير بالذكر أن الفنان مراد مكرم يقدم برنامج الأكيل علي مواقع السوشيال ميديا والذي لاقي اعجاب الملايين من متابعيه علي مواقع التواصل الإجتماعي.