رضوى الشربيني: شرف ليا إني إمرأة وأنا بقول للست حبي جوزك وشيلي في عينك

حلت الإعلامية رضوى الشربيني ضيفا على الإعلامية منى عبد الوهاب عبر برنامج أنا والقناع، وكشفت عن بعض التصريحات.

وقالت: شرف ليا إني إمرأة ومكنتش أحب أتخلق راجل ولو حد شايفني تهمة فده في نظر أشباه الرجال، وأنا مبسمحش لنفسي إني انهار ومعظم الوقت متفائلة وراضية وكل حاجة بتحصل خير عشان رب الخير ما بيجبش الا الخير.

وتابعت: معرفش مين صدر إن رضوى الشربيني بتقول للست اضربي الراجل بالنار، أنا دايما بقول للست حبي جوزك وشيلي في عينك ومن 7 سنين ليا تصريحات بقول فيها اتزيني لجوزك ولو جاي من الشغل تعبان وطي صوتك واتكلمي معاه براحة ولو لزم ماية بملح وقادرة تعملي ده اعملي.

وأضافت: أنا كنت مستضيفة داعية وبتريق على وادة بتقول الست مش ملزمة تبات في بيت جوزها والسوشيال ميديا قصوه، هو فيه واحدة محترمة بتشتغل وسط محترمين هتقول كدة.. إمال تبات فين؟ دا أنا كدة مش معقدة أنا فاسقة.