أسماء جلال تعتذر لإحدى الفتيات: آسفة فهمتك غلط

وجهت الفنانة أسماء جلال عبر حسابها الشخصي على موقع الصور الشهير "انستجرام" رسالة اعتذار لإحدى الفتيات، بعد موقف جمعهم في أحد المطاعم أثناء تناولها العشاء.

وكتبت أسماء جلال عبر خاصية الاستوري قائلة: "امبارح كنت بتعشى في مكان ما وحصل موقف من بنت قاعدة بتتعشى، قالتلي كلام أنا فهمته غلط، وكان رد فعلي مش ألذ حاجة".

وتابعت: "يارب البنت اللي أنا كنت مش ألذ حاجة معاها تكون بتقرأ الكلام ده لأني من إمبارح وأنا ضميري وجعني، وبفكر طول اليوم النهاردة إزاي ممكن أوصلك واعتذرلك".

وأضافت: "أنا آسفة فهمتك غلط، ولما فكرت عرفت إن نيتك كانت كويسة، أنا اللي أتسرعت، حقك عليا وآسفة لو زعلتك أنا بجد مكنتش أقصد يارب تشوفي كلامي".