سعد الصغير يوجه رسالة شديدة اللهجة لـ بوسي: لما كنتي هربانة ومكنش معاكي جنيه أنا اللي وقفت جنبك

وجه الفنان سعد الصغير، رسالة شديدة اللهجة إلى المطربة بوسي ردا على تصريحاتها الأخيرة التي ذكرت خلالها، أنه يسعى إلى التريند، وأنها لم تطلب منه التدخل في شئون حياتها الخاصة.

سعد الصغير لـ بوسي: أنا كنت وأقف جنبك دلوقتي بتقولي متتدخلش!
وقال سعد الصغير في تصريحات : بوسي دلوقتي بتقولي متتدخلش في حياتي؟!، إنتي مدخلاني في حياتك من ساعة ما ربنا خلقك، كل المشاكل أنا اللي كنت بخلصها.

وأضاف: اللي جايب لها أغنية آه يا دنيا أنا، لما كان طليقها بيضربها ويحصل مشاكل كانت بتقول الحقني أنا ومحمود الليثي، لما دخلت السجن وكان عليها شيكات، ولما كانت هربانة بره البلد وطلع عينها، ومن الآخر مكنش معاها جنيه أنا اللي وقفت جنبها، دلوقتي بتقولي متدخلش!

بوسي تهاجم سعد الصغير: ميخصكش أروح جنازة أبويا ولا لأ
سبق وردت بوسي على تصريحات سعد الصغير بعد وفاة والدها الحاج محمد شعبان، مُتأثرًا بأمراض الشيخوخة، وقالت في تصريحات تليفزيونية: ميخصش سعد الصغير روحت لأبويا الجنازة ولا لأ، وأنا مبحبش حد يعمل تريند على قفايا، ليه بتدخل نفسك في حاجة متخصكش؟ هتقول زميلتك أنا مطلبتش منك تتدخل.

سعد الصغير يهاجم بوسي
وكان سعد الصغير، أعرب عن استيائه من بوسي، لعدم حضورها جنازة والدها، وقال في تصريحات : زعلان من بوسي جدًا حتى لو أبوها جاحد كان ممشيها مبتاكلش، إحنا بنروح عزاء ناس مبنعرفهمش؛ تعتبر إنه بتاع أمن غلبان تروح تديله أي حاجة.. دي بتنزل من العربية وتدي بتاع الركنة 100 جنيه.. اعتبريه شغال معاكي في الفرقة.. الحنية محدش بيشتريها.