تعليق مفاجئ من الفنانة شيرين عن أزمة منة شلبي في قضية المخدرات

حرصت الفنانة شيرين، على الدفاع عن الفنانة منة شلبي في أزمتها الأخيرة بسبب قضية المخدرات، حيث قالت: “كل واحد بينصب نفسه قاضي مع احترامي الشديد للكل مش معقول نقعد نحكم على الناس ده هيخش الجنة وده النار والقصاء قال كملته والمفروض نحترم ده وياريت كل واحد يخليه في حاله”.

أضافت شيرين، خلال التصريحات التلفزيونية، “احنا هنبقى أحسن ناس ومصر هتبقى في حتة تانية لو كل واحد بص لحياته بس وخد باله من شأنه وملوش دعوة بالناس”.

وعن مشاركتها لمنة شلبي في مسلسل “تغيير جو”، والذي تم عرضه رمضان الماضي قالت شيرين إنها تعتبر منة شلبي مثل الفنان أحمد زكي.

تابعت، “بتلبس الدور ومش بتقلعه هي ممثلة جامدة وتقيلة واللي عملته في مسلسل في كل أسبوع يوم جمعة دليل على كدا وهي بقت بنتي وعلاقتي بيها متقطعتش بعتبر بقى ليا بنت جديدة زي ميريت وزي دنيا وإيمي سمير غانم”.

وتطرقت شيرين في حديثها عن مشاركتها في 3 أعمال دفعة واحدة خلال رمضان الماضي، حيث قالت: “كنت حاسة إني عندي مخزون وعطشانة وفحأة لقيت أنواع كتير من العصير بحبها وكنت سعيدة بالمشاركة فيهم ومحستش بأي تعب أو مجهود”.