متقفل بحواجز زي باب المطبخ.. فيدرا تشكو من مصلى السيدات: ضيق وبنتعامل كأننا درجة تانية

انتقدت الفنانة فيدرا مساحة مصلى السيدات بالمساجد، مؤكدة أن السيدات يعاملن كأنهن مواطنات من الدرجة الثانية.

وقالت فيدرا في مقطع فيديو شاركته مع جمهورها عبر انستجرام: ليه مصلي السيدات بيكون صغير ومكتوم ومتقفل بحواجز زي باب المطبخ، ليه بنتعامل كدا؟ ليه كستات رايحين نصلي نتعامل كأننا مواطن من الدرجة التانية؟

وأضافت فيدرا: ليه ميبقاش المصلى بتاعنا زي مصلى الرجالة؟ ليه أنا كمسلمة أتعامل معاملة زي دي، اعملوا مدخل محترم وحلو وواسع مش على جنب وتحس أنه الست كائن مش مهم وندخل من الباب اللي ورا، مش هيجرى حاجة لو عملتوا لينا حاجة حلوة واحنا رايحين نصلي.

وسبق وأثارت فيدرا جدلا واسعا على مواقع التواصل الاجتماعي بتصريحاتها عن زواجها من المخرج سامح الباجوري، حيث قالت في لقاء تلفزيوني سابق: أنا وسامح الباجوري حبينا بعض من وأنا 18 سنة بس، وهو اللي دخلني التمثيل بعد ما خلصت دراسة الطب وهو حببني في الفن.

وأضافت فيدرا: بعد زواجي من سامح انفصلنا لأني سافرت واخترت الدراسة ولكن رجعنا لبعض تاني وأنا عندي 25 سنة ولكن أثناء فترة طلاقنا تزوج من الراقصة دينا، وبالتالي أنا زوجته الأولى وهي اتجوزته في أيامه الأخيرة ومفيش أي خلاف بيني وبينها.

آخر أعمال فيدرا
وعلى جانب آخر، شاركت فيدرا في العديد من الأعمال الفنية التي حققت نجاحا كبيرا، من بينها مسلسل يحمل اسم إيجار قديم بالتعاون مع شريف منير.