”الف سلامة..طريقك وردي” أول تعليق لـ تامر حسني علي انفصاله من زوجته

نشر الفنان تامر حسني، مقطع من أغنيته الجديدة "كرهتني في الحب"، بعد إعلان زوجته بسمة بوسيل انفصالهما منذ فترة واستعدادهما للطلاق، عبر خاصية "أستوري" عبر حسابها الرسمي على موقع تبادل الصور والفيديوهات "إنستجرام".

وعلق "تامر" على مقطع "كرهتني في الحب"، قائلا: "ألف سلامة طريقك وردي.. وقتك عدى وقتك فات"، والتي تأتى ضمن كلمات الأغنية.

يتضمن مقطع الفيديو، الذي نشره على "فيس بوك": "قدمتلك السبت وعمري ما شوفت الحد ولا الاتنين.. هتعب نفسي معاك ليه يعني.. ما أشوف بقى نفسي وأعيشلي يومين.. آه ألف سلامة طريقك وردي.. وقتك عدى وقتك فات.. خدت كتير من عمري ووقتي.. يلا كفاية بقى وألوهات".

بمجرد نشره "كرهتيني في الحب"، تفاعل رواد مواقع التواصل الاجتماعي بآلاف التعليقات: "واضح أوي إنك بتقولها لبسمة مراتك"، و"إزاي كرهت الحب بعد القصة اللي بينكم"، و"أنتم بقالكم كام يوم بتظهروا مع بعض، واحتفلتوا بعيد ميلادكم، وكنت في منتهى الرومانسية، إيه وصلكم لكرهتيني في الحب".

بسمة بوسيل تعلن الانفصال

وتحدثت بسمة بوسيل عن تفاصيل انفصالها، ملمحة لانزعاجها من معجباتهم وصورم معهن، قائلة: "لكل الناس اللى بتبعتلي صور وفيديوهات لتامر وشايفة إنه مش بيعلي احترام سواء في صور أو فيديوهات يا ريت تبطلوا تبعتولي أي حاجة عشان مش فارقلي أي صور".

وتابعت حديثها عن تفاصيل الانفصال، عبر "أستوري" على "إنستجرام": "كمان أحب أعرفكم إني إحنا بقالنا فترة منفصلين وبنحضر أوراق الطلاق لو سمحتوا احترموا مشاعر كل حد فينا وبطلوا على الأقل تبعتولي أنا أي حاجة"