تعرف على كيفية صناعة حلوى من السميد والطحين مع بذور الحلبة

بتختلف الطريقة او المكونات حسب كيف العائلة متعودة تاكل الحلبة
في ناس ما بتدخل الا زيت الزيتون
بدون زيت نباتي او زبده
وفي ناس بتحب تعملها هشة طعمها قريب
للهريسه (معلقتين حليب او لبن وبيكينج باودر)
لذلك في مكونات اساسيه وفي مكونات اختيارية
الطريقة التقليدية
انه نحمص الحلبة ونضيف عليها ماء ليغمرها
ونتركها تغلي على نار هادية
او ننقعها 6 ساعات وبعدها نغليها
سميد ثلاث كاسات طحين كاسه
معلقة خميرة
معلقه ملح ومعلقة حبة البركه و(معلقة سمسم محمص
إختياري)
بعدها بنضيف زيت الزيتون بمقدار كاسه
وبعدها بنصفي
الحلبة وبنضيفها على العجينة وبس تبرد المي
تبعت الحلبة ببلش اعجن
حتى تتماسك العجينة
دائما لو قلنا 3كاسات سميد وكاسة طحين
بدهم كاستين او اقل شوي
مي من مية الحلبة المغليه
في ناس بتحط مرغرين وزيت نباتي مع زيت الزيتون
وهذا بنخصمه من كاسات المي
عشان ما تطلع العجينة مرقه كثير
الآن
بفردها في الصينية وبتركها ترتاح وبشغل الفرن على درجة
ما تكون عاليه عشان يحمى وترتاح الصينية
على راحتها
اللي فرنه كهربا على 180 بس بشغله لما ترتاح الصينية
نص ساعة زمن
شوي الحلبة ببين من لونها لازم نضل مراقبينه
وبنفس الوقت ما نستعجل عليه
تقطيعها قبل ما تستوي على الآخر
واللي فرنه طبقتين
بقطعها قبل التحمير
القطر سهل جدا لكل كاستين سكر كاسة ماء
وعصرة حامض.