عاجل |” مصر وناسها ” تناشد وزارة الصحة للتدخل الفوري لأنقاذ عائلة المعادي

شبكة أعلام مصر وناسها تناشد وزارة الصحة للتدخل الفوري لأنقاذ عائلة المعادي

مأساة عائلة المعادي المصابه بكورونا ... ام و طفلين و زوجها !

الجيران بيقطعوا عنهم الميه و الكهرباء .. بيقولوا لعمال الديليفري متطلعوش عشان دي ناس عندها كورونا ... لا دواء من الصيدليات عارفين يشتروه وهما في البيت, ولا أكل عارفين يجيبوه عشان ميموتوش من الجوع ... ولا حتي عارفين يروحوا يتحجروا في مستشفي عشان يخفوا او يموتوا في سلام ... و مش عاوزين يتحركوا عشان مينقلوش المرض لحد ... يعملوا ايه طيب !!!

نهي زوجه رجل محترم عايشين في المعادي, زوجها بدأ يظهر عليه اعراض كورونا فراحوا مستشفي العباسيه يكشفوا, و بناء علي صورة الاشعه اللي عملوها قالوا لهم مش كورونا.

رجعوا البيت لقوا الجيران واقفين تحت البيت كلهم و كإن الاسره دي إرهابيين .. ورونا الأشعه و لازم نشوفها بنفسنا .. ومعامله و كأنهم إرهابيين.

حالة الزوج اصبحت سيئه بعد كذا يوم فراحوا عملوا اشعه مقطعيه في مركز خاص و قالوا لهم فعلا دي كورونا ... و للاسف الزوج اعراضه زادت اكثر و حرارته ارتفعت و عنده قيئ و اسهال و ضيق تنفس, و الاطفال عمرهم ٦ سنين و ١٢ سنه و ظهر عليهم نفس الاعراض !

لا عارفين يجيبوا دواء و لا يأكلوا ولا يشربوا و لا حتي عارفين يتحجروا لأن مستشفي العباسيه شايفه انهم معندهومش كورونا بناء علي الاشعه اللي عملوها !

يعملوا ايه طيب .. يروحوا فين .. هو ده حق الجيره .. هو ده شعبنا الطيب .. المرض ده غصب عن اي حد اتصاب بيه ... رؤساء دول و مسئولين و غلابه كلهم اتصابوا ... مش بيفرق بين غني و فقير .. و جارك ده اقرب لك من اخوك و عائلتك .. يعني اول واحد المفروض يساعدك لو محتاج .. اتقوا الله, المرض مش عيب .. بس اللي بيحصل ده هو اللي عيب