حورية فرغلي: أمينة خليل بنت خالتي ومسألتش عليه طول فترة تعبي

قالت الفنانة "حورية فرغلي" أمينة خليل بنت خالتي بس مبنتعملش مع بعض لأني كنت عايشة برا طول عمري ومكناش بنشوف بعض بس هي طول تعبي مفكرتش تسأل عليه وأنا مفيش بنا أي مشاكل.

حورية فرغلي: حبست نفسي في الأوضة لمدة سنتين

وأضافت الفنانة حورية فرغلي عن صعوبات مرضها وقالت "بقالي خمس سنوات مبعرفش اتنفس من مناخيري و لا اتنفس من فمي واضافت عمري ما عملت عملية تجميل وعملت عملية مناخيري بسبب التنمر عليه اثناء تصويري مسلسل " ساحرة الجنوب" كل شوية الناس تبعتلي أنتي شكلك وحش انتي مرعبة وبتخوفينا أحنا لما بنشغل التلفزيون ونشوفك بنخاف ونقفل".

وأستكملت "حورية" مع الإعلامي "عمرو الليثي" في برنامج "واحد من الناس" أنا بطلت أبص في المرايا لمدة سنتين بسبب التنمر ومناخيري المشوه وحبست نفسي في الأوضة لمدة سنتين مع كلابي ورسمت وقرأت قرءان وكنت كل يوم بدعي ربنا ياخدني لاني كنت بسأله كل يوم هو أنا عايشه ليه لا زوج ولا عيلة ولا أطفال ومناخيري مشوه.

وأضافت ايضا كان في عدد من الفنانين اللي كنت بشتغل معاهم بطلوا يسألوا عليه ولا يكلموني للأسف أنا معنديش أصحاب ولا أصدقاء و لا شله بخرج معاها وبسافر علشان لما مخرج يشوفني يشغلني معاه أوحد فيهم يريحني ذي ما بقيت الفنانين بتعمل.

واستكملت خرجت في مره مع شله بدون ذكر أسماء ورحنا حفلة الثلاثة سابوني ووقفت بطولي طول الحفلة محدش جه سأل عليه.

وأضافت أشتغلت مع مدام "فيفي عبده" والفنانة "عزه" الفنانة فيفي مسألتش عليه خالص طول فترة تعبي والفنانة عزة هي بس اللي كانت بتسأل علية.

حورية: محمد رمضان خدمته في بدايا شغلة ومسألش عليه

كما قالت "حورية" الفنان محمد رمضان هو اللي كلمني علشان أعمل معاه فيلم "عبده موته" مكنش لاقي بطله تعمل معاه الدور وأنا ساعدته وعملت معاه ايضا فيلم "قلب أسد" ومأخدش منه ولا مليم.

وأضافت أيضا كنت في مره في لوكيشن التصوير اللي جنبه وجيت ادخله قالولي بيغير ومقبلنيش ومفكرش يسأل عليه من يومها.