الفنان أحمد سعد يصفع شاب بمحطة الوقود.. رد عليه

تداول رواد موقع التواصل الإجتماعي فيس بوك، منشور لأحد الأشخاص يروي من خلاله واقعة تعدي الفنان أحمد سعد، علي أحد الشباب داخل محطة وقود، وأظهرت الصورة المنتشرة عبر السوشيال ميديا مشاجرة سعد مع أحد الشباب لم يظهر بالصورة.

وجاء المنشور علي النحو التالي: "النهارده كنت في بنزينة امارات مصر جنب داون تاون و شوفت شاب صغير
في العشرينات كان معدي من ورا عربية BMW x5/6 بيضه و العربيه كانت بترجع بسرعه كانت هاتخبط الولد، فا الولد كرد فعل طبيعي قاله "خلي بالك وانت راجع يا حبيبي" و اتضح ان اللي كان راكب العربيه الفنان/ احمد سعد راح عليه و قاله "بتكلم مين كده يلا؟" فا الولد رد عليه قاله "يلا؟ بكلمك انت" و طبعاً الكلام ماجاش على هوا ولا على كرامة احمد سعد اللي ضرب الولد بالقلم قدام امه و اخته و الناس كلها في البنزينه و وقعه عالارض قدام عربيتي بالظبط و قطعله تيشرته، و كرد فعل طبيعي مني انا و اختي حاولنا نوقفه بالكلام فا رد علينا بشتايم قذره جداً و ابتسملنا و مشي بالعربيه.
الموقف ده بينلي قد ايه احنا بندي قيمه لاشخاص ماتستاهلش و بنسيبهم يعيشوا وسطينا عادي جداً."

ومن جانبنا تواصلنا مع الفنان أحمد سعد ليوضح حقيقة تلك الواقعة التي أنتشرت علي السوشيال ميديا كالنار في الهشيم، ولكنه لم يرد.