تعرف على طريقة عمل الدونتس

المقادير:
٢كوب دقيق
معلقة صغيرة مليانة خميرة فورية
معلقتين زبدة طرية
معلقة كبيرة سكر
بيضة درجة حرارة الغرفة
ربع كوب ماء دافي
ربع كوب لبن دافي
رشة ملح
فانيليا

طريقة الدونتس:
• في بولة نضع ربع كوب اللبن الدافية مع ربع كوب المياه الدافية عليهم الخميرة والسكر ونقلبهم كويس وبعد كدة نحط البيضة ولازم تكون في درجة حرارة الغرفة ونقلب ونحط الفانليا ونقلب كويس اوي وننزل بكوب الدقيق ونقلب لحد ما تبقي عجينة لينة ونسيبها تخمر تلت ساعة وبعد كدة نحط الزبدة والكوب التاني من الدقيق ورشة الملح ونعجنها كويس اوي لمدة ٨ دقايق ونسيبها تخمر.وبعد كدة نفردها ونقطعها بقطاعة الدونتس ونحطها في صينية تخمر نصف ساعة او ساعة في الشتاء كمان بعد ما قطعناها وبعد كدة نقليها في زيت غزير والزيت ولا يكون سخن اوي او بارد اوي لحد ما تحمر ونطلعها تهدي خالص ونحطها في الشيكولاتة او صوص لوتس وممكن نحشيها شيكولاتة برضوا او كاسترد او نرش عليها سكر بودرة وبالهنا والشفا.