مبروك عطية يهاجم شاب سخر منه «يارب اللى جرالي يجرالك» أنا صباعى مقطوع

وقال الدكتور مبروك عطية،أستاذ الشريعة بجامعة الأزهر،خلال مقطع الفيديو، ردًا على الشاب: "طول الطريق من الجامع تأدية خطبة الجمعة، وأنا راجع إلى مثوايا، ضغطت الخطبة وحملتها ونزلتها، وشغلت الباقة، وقولت مفيش حاجة تغلى على ربنا، وعيني جاءت على التعليقات، وأحد المُعلقين حذفته لأنه قال: "من أمتى خطبة الجمعة بتتخطب وأحنا جالسين؟"، وده حذفته، وعاوز أقوله: “ده اللي طلعت بيه من الخطبة .. إلهى اللي جرالي يجرالك أنا صابعي مقطوع".

https://fb.watch/v/2k6CwO_Rp/

وتابع: "ده عمل زيي لما كنا نحضر للدكتور مُحاضرة في الجامعة، وسايب الجمهور يعلّق على المحاضرة بمعلومة واستفاد منها، واللي شاف وقال كرافتة الدكتور جميلة، واللي نظره 6 على 6، شاف رجل الدكتور، وقال (شرابه إيه ماشي مع القميص)، كل واحد شايف بعين مُختلفة.. هكذا طبيعة البشر".

وأوضح الدكتور عطية: "لا يجب أن نعول على البشر، هم خلق الله، والناس عندما تعول عليهم ولا هتروح ولا هتيجي، و محدش هينفعك، والنافع والضار هو الله، والأصل في خُطبة الجمعة أن يكون الخطيب واقفًا، ولكن إذا كان مريضًا مثلي، ربنا قال وقوموا لله قانتين لكن أنا صابعي محشوش من رجلي، والنبي كان ساند على جذع النخلة قبل أن يصعد على المنبر، وعاوز أقول متعلقش على حد وأنت متعرفش هو عنده ايه، وحاول تكون موضوعي وقول لعل له عُذرًا، وأنت تلوم نفسك بعدما تظلمه، متحكمش على الناس بالظاهر، وبلاش كلمة من امتى ده.