سمية الخشاب توجه نصيحة مؤثرة لجمهورها بعد حادث سيتي ستارز

علقت الفنانة سمية الخشاب، على حادث مول سيتي ستارز، حيث سقطت فتاة من الطابق السادس وتُوفيت في الحال، ووجهت سمية الخشاب نصيحة لجمهورها، ومتابعيها بعدم التفكير في الانتحار مهما حدث من أسباب، مشيرة إلى أن الحادثة أوجعت قلبها.

وكتبت سمية الخشاب تغريدة، عبر حسابها الخاص بموقع التدوينات تويتر، قائلة: حادثة سيتي ستارز وجعتلي قلبي، حبايبي اوعوا أي مشكلة أو موقف أو حدث فحياتكم يخليكم تفكروا في الانتحار، كل مشكله لها حل ومفيش حاجه نهايه العالم.

كما كتبت في تغريدة أخرى: ياريت لما حد يقول لكم أنه بيفكر في الانتحار تحتضنوه ومتستهتروش بكلامه وتحاولوا تنبهوا حد من أهله أو القريبين منه عشان وقتها بيكون محتاج دعم نفسي ولازم يتلحق قبل فوات الآوان.

كما وجهت سمية الخشاب نصيحة للأباء قائلة: قسوه بعض الاباء والأمهات اللي معندهمش وعي كافي تجاه ابناءهم وخصوصًا بعد النتائج الدراسيه بتكون نتائجها كارثيهة...بطلوا تهينوا وتأذوا ولادكم وبلاش الكلام اللي زي أنت فاشل، وموتي نفسك عشان عواقب الكلام ده بتتسبب في مصايب وهيبقي ذنبهم في رقبتكم.