هاني شاكر عن المطربين الممنوعين: «اللي عايز يسمعهم يروحلهم الجونة»

هاجم نقيب المهن الموسيقية،الفنان هاني شاكر هجوما حادا على رجل الأعمال المصري نجيب ساويرس بسبب هجوم الأخير على النقابة بسبب منع 19 من مطربي المهرجانات عن الغناء.

ورد شاكر خلال مداخلة هاتفية على برنامج «الحكاية» الذي يقدمه الإعلامي عمرو أديب قائلا: «نجيب بيقول إنه ما بيسمعش الأغاني اللي أنا بقدمها، وأنا بقوله ما يشرفنيش إنك تسمع الأغاني بتاعتي، اللي يسمع المهرجانات ما يشرفنيش إنهم يسمعوا أغانيا».

هاني شاكر يهاجم نجيب ساويرس

وأستكمل شاكر "اللي عايز يسمعهم يروحلهم الجونة يا عمرو أو يروحوا في أي حته بيروحوا فيها برا وهم موجودين على اليوتيوب بس أنا مش هطلعلهم تصريح .

وأضاف "أحنا مش نقابة دادات نأكل ده ونشرب ده أيه الكلام الفارغ ده .. وأنا عايز أعرف مصر فين من ده كله.. الجمهورية الجديدة اللي أحنا عيشنها النهاردة مش من حقها أن أحنا نخاف عليها".

وأضاف نقيب الموسيقيين: «نجيب مش فاهم حاجة.. وما دام مش فاهم يبقى يسأل.. وهو بيقول إن مفيش حد بيسمعنى وأنا بقوله كنت تعالى شوف حفلتي في مهرجان الموسيقى العربية وانت تعرف كم ونوعية الجمهور اللي بيسمعني».

وتابع هاني شاكر: «ولغت التهديد دي أنا مقبلهاش أحنا هنطلع نهزأ في بعض ونتطاول علي بعض وقدام هو مش عجبه وأنا كان مش عاجبني وأنا ما علقتش على الفضايح اللي حصلت في مهرجان الجونة، هو ليه بيتكلم في اللي مالوش فيه، زي مانا مش عاجبه هو برضه مش عاجبني».

وسبق مداخلة هاني شاكر مداخلة لرجل الأعمال نجيب ساويرس، قال خلاله إن قرار منع مطربي المهرجانات عن الغناء قرار معيب، وأنه لا أحد يستمع إلى هاني شاكر، ويجب على هاني يهتم بالظروف الصحية والاجتماعية للأعضاء، ولا أحد يستطيع منع أحد من الغناء، وأن ما فعله هاني شاكر هو نفسنه.