السيسي: «أنا عايز يوم القيامة ربنا يشيّلني كل حاجة عملتها في مصر»

وجه الرئيس عبدالفتاح السيسي حديثه لكامل الوزير وزير النقل، خلال زيارته لمصنع اليوريا ونترات الأمونيا بمنطقة كيما بمحافظة أسوان، الثلاثاء، «يا كامل متقربش من التذكرة إلا لما تعمل إيه؟»، وأجابه «الوزير» قائلًا: «تجدد كل العربيات وتبقى جديدة وتقدم خدمة متميزة».

وأضاف الرئيس في إطار حديثه عن تطوير السكة الحديد أنه «أول ما تلاقي نفسك كل قطارات مصر (الكلام اللي قولناه ساعتها يا كامل) مفيش عربية ولا جرار قديم إلا يتشال ومفيش على السكة كلها، القاهرة، إسكندرية، أسوان، بورسعيد، السويس وأي حاجة.. هيبقى في قطر قديم؟»، وتعقيبًا على حديثه قال كامل الوزير: «لا يا فندم خلال، انهاردة بعد ما تشرفنا في محطة أسوان مش هيكون بكرا الصبح على أي خط في مصر عربية قديمة».

«أنا بقول الكلام ده ليه؟.. عشان بعدين يقولك إيه طب بس التسعير، وحد بردو يقول طب ما تسيب كامل (وزير النقل) يشيلها يعني أو سيب دولة الرئيس يشيلها، لأ أنا عايز يوم القيامة ربنا يشيّلني كل حاجة عملتها».

وتفقد الرئيس السيسي صباح اليوم مصنع اليوريا ونترات الأمونيا بمنطقة كيما بمحافظة أسوان، كما يقوم بتفقد محطة سكك حديد أسوان حيث يشهد تدشين الوحدات المتحركة الجديدة بمختلف أنواعها من قاطرات وعربات السكك الحديدية.