هادي الباجوري: البوس في السينما عادي والجمهور محتاج يتعالج

قال المخرج هادي الباجوري، إنه تعرض للانتقادات سبب آخر أفلامه “قمر 14، حيث ضم الفيلم مشهد قبلة في نهاية الفيلم بين خالد النبوي وشيرين رضا، مشيرا إلى أن البوس في السينما شيء طبيعي.

أضاف هادي، خلال لقائه مع الإعلامية ياسمين عز في برنامجها “كلام الناس” المذاع عبر فضائية “إم بي سي مصر”، “بوسة فيلم قمر 14 عادية جدا، والبوس كان عادي من 20 سنة وأنا مش هغير نفسي عشان الجمهور، هما اللي يتعالجوا والبوسة ليها حب ومعنى في الفيلم ومش زيادة عن السيناريو”.

تابع، “أحنا شعب دافن راسه في التراب وعندنا انفصام في الشخصية والأحسن اللي مش عاجبه ميتفرجش إنما كدا أنتوا بتبوظوا شغلي وأنا بقيت أتجاهل أي تعليق بسبب كدا لأن الناس سابت نجاح المسلسل والقصة وركزت على بدلة الرقص، أنا مش شايف إيه المشكلة، ما ده بيحصل عادي، والناس بتمشي على البحر ب مايوهات عادي”.