بعد إهانته لها.. أول رد ناري من إلهام شاهين على أحمد فلوكس

شن الفنان أحمد فلوكس، هجوم كبير على الفنانة إلهام شاهين بسبب تصريحها الأخير بشأن «قبلات الأفلام القديمة».

من جانبها ردت إلهام شاهين على ذلك الهجوم، قائلة أنها لن تعطي أهمية لهؤلاء الأشخاص الذين يحاولوا لفت الأنظار إليهم.

وأضافت : «مش هدي أهمية لهذا الشخص، لأنه هو هجومه على الفن بشكل عام دا اللي أنا شايفاه، فأنا مش هدي أهمية لكل واحد عايز يلفت الأنظار».

وتابعت إلهام شاهين: «أنا كلامي كان عن الأفلام القديمة الأبيض والأسود، وإن كلها فيها قبلات، لو هو مش محترم دا ومش محترم فاتن حمادة، نادية لطفي، سعاد حسني، دا ممكن يتقاله إيه؟ دول المفروض إنهم قدوة لينا كلنا وأساتذتنا».

من جانبه علق الفنان أحمد فلوكس على تصريحات إلهام شاهين، في منشور عبر صفحته الرسمية على “فيس بوك”.

وكتب فلوكس:”بعيدًا عن معزتك و معزة أخواتك عندي و أني بعتبرك بميت راجل لاهلك و اللي عملتيه ليهم كلهم.. بس ممكن أستاذنك ماتتكلميش تاني في الكلام ده”.

وتابع: “البوسه بنعتبرها حاليا منافيه للاداب.. امال امتي يا فندم نعتبر الشي منافي للاداب، لما نلاقي العيل نازل و بشهاداته كمان هنا يبقي سفاله مثلا، طب سيبك من ده كله.. الدين ايه! الشاشه دي بتربي اجيال و بتشكل وجدان مش بتربي وحوش و بتعمل اوضاع”.

وأضاف: “احيه و علي كده بقي احنا نعتبر الأفلام السكس لافلام تثقيفية تعليميه إرشاديه الغرض منها التعليم و التمرين و انها افلام هادفه.. اقسم بالله انا هادفه في البرد من كتر الانفعال، سامحيني انا بحبك بس مابقتش قادر استحمل.. يا جماعه الشيطان نفسه مش مصدق اللي احنا كابشر بنعمله و بيستغفر ربنا”.