تامر حسني يكشف تفاصيل فيلمه الجديد «بحبك»

كشف الفنان تامر حسني، كواليس تصوير فيلمه الجديد الذي يحمل اسم "بحبك"، وذلك من خلال نشر مجموعة صور له برفقة الفنانة هنا الزاهد من التصوير، على حسابه الشخصي، عبر موقع تبادل الصور والفيديوهات إنستجرام.

وكتب تامر، قائلًا: مساء الهنا على أغلى ناس على قلبي انا.. دي صور من اول يومين تصوير لفيلمنا الجديد بحبك.. طبعاً في ناس هتقرا اسم الفيلم بحبِك و ناس هتقراه بحبَك دا طبعاً مقصود عشان في درامة الفيلم.. هنبحث طول الوقت عن مدى صدق كلمة بحبِك من الرجل للأنثى و بحبَك من الأنثي للرجل في احداث فعلاً محيره جدا.

وتابع: الفيلم اكيد فيه ضحك بس في إطار رومانسي بحت مش موجود بقاله كتير.. اتشرفت بمشاركة نجمة اليوم و المستقبل الجميله هنا الزاهد.. ومبسوط اني اول من اكتشفها في بداية حياتها و في الفيلم دا بكتشفها تاني و بقدمها بشكل جديد عليها و عليكم.

وأضاف: ومبسوط جداً لمشاركة حبيب قلبي نجم الكوميديا الكبير حمدي المرغني اللي هيعمل ان شاء الله شغل رهيب في الفيلم كعادته الجميله.. و للأسف لسه مصورش علشان انزل صوره بس في اول يوم تصوير له ههريه صور.. و انتظروا بعد ايام انضمام نجمه جميله مميزه من نجوم المستقبل اللي هيكون ليها مستقبل كبير ان شاء الله.

وأشار: و فرحان جداً بإنضمام الفنان الموهوب اوي مدحت إسماعيل اللي عامل دور زي العسل و ربنا يكتبله فيه كل النجاح و يكرمه و يكرمنا معاه.. الفيلم من انتاج حبايب قلبي و اصدقاء العمر سينرچي احمد بدوي تي ايتش برودكشن حسام حسني سكاي ليميت أحمد الدسوقي.