فاطمة عيد: «جوزي إتعالج من خشونة الركبة بالكركمين»

قالت فاطمة عيد، أمس الأحد، خلال مداخلة هاتفية اجرتها في برنامج "كلمة أخيرة" الذي تقدمه الإعلامية لميس الحديدي عبر قناة "ON": "إعلان الكركمين مش متصور اليومين دول ده متصور من 5 سنين واتعرض كتير".

وتابعت: "الناس لما قالتلي ليه شاركتي في الإعلان ده قلتلهم خلاص، وقفوه بطريقتكم وأنا ماخدتش منهم لا أبيض ولا أسود".

وأضافت: "كنت رايحة للصيدلي ده عشان جوزي عنده خشونة في رجليه وعشان يعالجه، ولما روحنا طلبوا مني أعمل إعلان للكركومين وعملته بلا مقابل من 5 سنين، وعالج جوزي بالفعل من خشونة الركب، والعلاج كان عبارة عن كركم وموجود في كل بيت".