ميمى جمال: ”هكتب ممتلكاتى لبناتى عشان معنديش ولد ”

جاء في تصريحات الفنانة ميمي جمال وذلك من خلال استضافتها تليفزيونياً إنها قررت كتابة ممتلكاتها لبناتها، معلقة:"أنا معنديش ولد، وربيت صح، وبناتى لغاية النهاردة أى حد عاوز يعمل أى شيء لازم تسألنى، ومكتوب حاجات بأساميهم وميتصرفوش من دماغهم، ومحدش ضمن ع مره، وحبيت شقايا لأولادى، ودا اللى عملته عن طيبة خاطر وأنا مبسوطة إنى عملت كده، وهم توأم ومش عاوزة تفرق بينهم".

وأضافت الفنانة ميمى جمال، على تصريحات حول القبلات، قائلة: "ما لو ده طبعه خليه فى حاله، لو رجولتك تقولك انت موافق متطلعش على الهوا وتعمل كده، وهى لما سمعته انفصلوا، شوف التصريح واستغربته، واحنا ناسيين إننا مصريين شرقيين، وفيه ناس عاوزين يطبعونا بطباع مش بتاعتنا".

وجاء في تعليقها علي دور الفنانة منى زكى فى فيلم "أصحاب ولا أعز": "الناس مش من حقها إنها تهاجم، لكن تعترض، ويمكن تقول سوء اختيار، هى اختارت الدور دا غلط، وهى فنانة جيدة ولكن لكل جواد كبوة، جايز مفكرتش كويس أو خدت الموضوع بشكل حضارى ومنفتح أوى، ولسه موصلناش لده، ففيه ناس مستغرباه".