غادة عبد الرازق:«لا أخجل من تناول أدوية الاكتئاب»

حلت الفنانة غادة عبد الرازق مؤخرًا ضيفة الإعلامية ياسمين عز ببرنامجها كلام الناس الذي يذاع يوميا عبر شاشة قناة mbc مصر الفضائية في تمام الساعة 12 منتصف الليل.

وأثارت الفنانة غادة عبد الرازق ضجة وجدلا بتصريحاتها خلال الحلقة السادسة من برنامج كلام الناس حيث كشفت سر غيابها عن دراما رمضان 2022 ولأول مرة توضح أيضًا حقيقة رفض ياسمين صبري العمل معها ومعانتها مع مرض الاكتئاب.

وقالت غادة عبد الرازق خلال حوارها التلفزيوني: "سايبة الملعب لناس غيري تتواجد فيه وواخده استراحة محارب، وأعمالي اللي بتقعد وأما بسمع لقب حوت تمثيل جسمي بيقشعر، وشيلت بطولات كتير في مراحل مختلفة محدش يعرف يعملها".

وتابعت عن حياتها الشخصية وأسرتها قائلة: "والدي كان حد ناجح أوي، ومكنتش عايزة أربط اسمي بيه عشان ميقولوش اني نجحت بيه، وكنت شقية ودلوعة وبغني قدام المراية ياواد ياتقيل وببوظ روج أمي".

كما حرصت على ان توجه رسالة لكل من خذلها، قائلة: "ريحوني كنت شاغلة دماغي بيهم وبمشاكلهم، والسبب الوحيد اللي خلاهم يعملو ده انهم بيغيرو مني"، وفيما يخص عدم رغبتها في مشاركة ياسمين صبري قالت: "ياسمين كانت بتعمل مسلسل وأنا مسلسل تاني، انسحبت من الجهة اللي كنت هشتغل بيها وطلبوا مني أعمل مع ياسمين صبري واللي وقفنا الورق كان عايز سنة ونص عشان يطلع ورق حلو".