«حلقت شعري زيرو».. سماح أنور تكشف سر ندمها على العمل مع كاملة أبو ذكري

حلت الفنانة سماح أنور ضيفة برنامج ضرب نار مؤخرًا عبر شاشة قناة القاهرة والناس الفضائية وخرجت عن صمتها لتكشف سر ندمها على التعاون مع المخرجة كاملة أبو ذكري.

وقالت الفنانة سماح أنور: "ندمت جدًا إني اشتغلت مع المخرجة كاملة أبو ذكري، أنا بالذات مش زي جيلي أنا اشتغلت مع كل المخرجين الجامدين والوحشين أوي ومتعلمة إخراج وإنتاج ففاهمة كويس".

وتابعت: "هي عظيمة لكن بالنسبة لي أنا ندمت جدًا.. وأنا بشتغل معاها يوم للستات كنت بندم وبتندم كل يوم.. أرهقتني على مدى سنتين حلقت شعري زيرو ولما طول شوية صبغته أبيض ومش عارفة ليه عملت كده".

واستكملت كلامها: "وعطلت إلهام شاهين منتجة الفيلم سنتين وده شيء مش بروفيشنال، واتفاجأت إنها شالت دوري كله دون علمي".