بعد شائعة وفاته.. قصة مسلسل رمضاني جمع بين «العندليب» و«الزعيم» في أكتوبر 1973

كلنا عارفين الزعيم "عادل إمام" الفنان المصري الكبير اللي قدم لمصر والعالم العربي--- أعمال فنية كتير أهلته للزعامة الفنية-------- وخلال مسيرته الفنية قدم عدد من الأعمال السينمائية والمسرحية والتليفزيونية

وأمتع جمهوره بأعمال فنية كتير فضلت حاضرة في أذهان الناس------ لكن اللي مش ناس كتير تعرفه إن الزعيم عادل إمام شارك العندليب عبد الحليم حافظ في مسلسل إذاعي سنة 1973

...............

"أرجوك لا تفهمني بسرعة" ------هو اسم المسلسل الإذاعي الرمضاني الوحيد اللي جمع عادل إمام وعبد الحليم حافظ-------وبعد المسلسل ده جمعتهم علاقة قوية

والمسلسل ده شارك فيه عدد من النجوم زي نجلاء فتحي--- وعماد حمدي، وزوزو ماضي، وسمير صبري، وماجدة الخطيب، وأشرف عبد الغفور---ومن تأليف الكاتب محمود عوض، وإخراج محمد علوان

ورغم استثنائية الأبطال المشاركين في العمل------- لكن منجحش النجاح المطلوب

عدم نجاح العمل الإذاعي كان سببه اندلاع حرب أكتوبر في 10 رمضان سنة -------- والمسلسل ده تم إذاعته في إذاعة الشرق الأوسط------- لكن للأسف صناع العمل اضطروا يأجلوا إذاعته------- لـ صيف السنة اللي بعدها------- بعد ما الجمهور انصرف عن سماع المسلسلات------ واتجه للتركيز في أخبار الحرب والبلد والأحوال العسكرية والانتصار بالحرب.

والحرب اللي حصلت وتفوق مصر على إسرائيل----- كان سبب في تغير مفاجئ في الخريطة البرامجية لكل الإذاعات

لكن بعد كام شهر وتحديدًا في فصل الصيف---- المسلسل اتعرض تاني لكن المرة دي حقق نجاح كبير-----وكان أول وآخر مسلسل إذاعي للعندليب الأسمر عبد الحليم حافظ

والمسلسل مش بس اقتصر على تمثيل الثنائي عادل إمام وعبد الحليم---- لكن في دويتو غنائي جمع بين الاتنين---- وعبد الحليم حافظ أثنى على التجربة دي

وأحداث المسلسل الإذاعي "أرجوك لا تفهمني بسرعة" أحداثه بتدور حول نادية صاحبة النفوذ اللي بتحب البطل "سامي" طالب الجامعة---وحاولت تأذي صديقته وحبيبته "ليلى" والبطل اضطر يسيب شغله--------- واضطر يسيب المسكن والجامعة، وهربوا لـ إسكندرية

وأحداث المسلسل رصدت الصراع بين النفوذ والمال----- والعقبات اللي بتواجه الشباب والمشكلات العاطفية

والمسلسل بيتكلم عن الفقر والحرمان------ وشخصية عادل إمام في المسلسل عبارة عن شخص معروف بحرصه على تحصيل المال بأي وسيلة----- والعندليب عبد الحليم دايما بيمنعه وبيشجعه على العمل والكد والصراحة

وعبد الحليم حافظ كان معجب جدا بقصة المسلسل ولما جه يتعاقد مع الإذاعة اشترط إنه يحتفظ بحق إنتاج القصة سينمائيًا---عشان يقدمها على شاشة السينما----- لكن مرض عبد الحليم وقفه عن استكمال أعماله الفنية والفيلم ده كان واحد من الأفلام اللي كان ناوي يعملها لكن الموت سبقه

وبعد المسلسل الإذاعي ده الزعيم عادل إمام والعندليب عبد الحليم حافظ علاقتهم بقت قوية جدا--------- ولدرجة إن في يوم من الأيام عبد الحليم زار عادل إمام------- وكان عادل رايح حفل زفاف وعبد الحليم راح معاه------ ولما راحوا بيت العريس اتفاجؤا إن العريس اتخانق مع أسرة العروسة وراحوا القسم

ووقتها عبد الحليم مقدرش يمسك نفسه من الضحك ولما جه العريس قدم له أغنية بمناسبة زواجه

ومن ساعتها والزعيم والعندليب بقوا أصدقاء وجمعتهم مواقف كوميدية وأحداث اجتماعية كتير-------- وكل واحد فيهم كان بالنسبة للتاني الجمهور المخلص الوفي