سماح أنور عن ”موفي ستار”: البرنامج مسلي جدًا.. ولا أمانع الظهور فيه

حلت الفنانة سماح أنور ضيفة في برنامج "ضرب نار" الذي تقدمة الإعلامية داليا فؤاد، ومن المقرر عرضة علي قناة القاهرة والناس.

تحدثت سماح أنور، عن قصدها من المنشور الذي سخرت فيه من دور الفنان فان دام في برنامج رامز موفي ستار، موضحة أنها لم تقصد شيئًا سيئا، ولكن تعليقها كان في إطار الكوميديا مضيفة: "الإفيه حكم، والكوميدينات هيفهموا، لكن الناس اللي واخده الحياة جد مش هتفهم، أنا بالنسبة لي فاندام بيعمل برنامج مقالب عربي، وبيقابل نجوم الشرق الأوسط لأن النجم العالمي أكبر من نجم الشرق الأوسط فلما نشوفوا وهو بيبتهدل شوية كان شيء غريب فالإفيه حكم".

وعن رأيها في برنامج رامز جلال هذا العام: "بحب برنامجه وبتفرج عليه، مشيرة إلى أنها لا تمانع الظهور فيه، قائلة: على حسب لو أنا محتاجة الفلوس هروح لأن ده شغل، والبرنامج مسلي جدا وكل الناس اللي بيشتموه بيتفرجوا عليه، هو فيه حاجة فاشلة بتستمر؟، هو شغال سواء روحتي أو لأ، الموضوع مالوش علاقة بالأخلاق والمبادئ".