دينا الشربيني: نفسي هيثم أحمد زكي يرجع وأقوله أنا بحبك وبكره فكرة الموت

كشفت الفنانة دينا الشربيني، عن أصعب اللحظات في حياتها، مؤكدة أن وفاة صديقها الفنان هيثم أحمد زكي أكثر شئ أثر بها في حياتها، حيثكان بمثابة صدمة لها.

وقالت دينا الشربيني خلال لقائها مع الإعلامي أنس بوخش، في برنامج “abtalk”: "أصعب لحظة في حياتي لما واحد صاحبي أوي توفى، توفى في البيت جاله هبوط، ده هيثم زكي الله يرحمه، كنت أعرفه من زمان، بكره فكرة الموت، مش عايزاها أصلًا تيجي في دماغي، ولكن الموت بيجي في ثانية.

وأضافت قائلة: هيثم كنا كلنا بنحبه جدًا بس يمكن هو مكنش عارف إحنا قد إيه بنحبه، فساعات ببقى عايز بس الوقت يرجع اقوله أنا بحبك، وبعدين أمشي لو عايز.

وتابعت قائلة: المتوفي ممكن يكون في حتة أحسن ومرتاح بس بيوجع اللي حواليه هما اللي عايشين ده، بس هما أكيد مرتاحين، دايمًا بقول لأي حد أعرفه فقد حد عزيز منه، حطوا في دماغكم إن الشخص ده سافر.