ندى موسى : إيدي اتحرقت في حادثة عربية وعشت مكسوفة ألبس ”كت”

اعترفت الفنانة ندى موسى بأنها احتاجت إلى وقت طويل لتغيير صورتها عن نفسها، وتقبلها كما هي.

وقالت ندى موسى خلال حوارها مع الإعلامية إنجي القاضي في برنامج "مساء dmc" : "بدأت مؤخرا أحب نفسي وأقبلها، بعد ما كان عندي لخبطة في شوية حاجات".

وأضافت : "مثلا حصلت حادثة عربية وإيدي كلها اتحرقت، وسابت علامة كنت بتكسف منها جدا، ومش قادرة ألبس زي ما أنا عايزة ولا أروح البحر، لحد ما العلامة كبرت وكان لازم أغطيها في التصوير".

وتابعت : "حصلت حاجة في حياتي غيرت مفهومي عن نفسي، وبدأت أشوف إن العلامة بتفكرني بإني عايشة بعد الحادثة، وبعد ما كنت مركزة في كل تفصيلة وخايفة انجرح اكتشفت إني مش عارفة أعيش".