للعام الثاني.. كريم الحسيني يطلب مقابلة تامر حسني دون نتيجة: اللي شغالين معاك محدش بيرد عليا

طالب الفنان كريم الحسيني مقابلة الفنان تامر حسني للمرة الثانية، بعد رده عليه العام الماضي، إنه بعد رجوعه من السفر سيتواصل معه، ولكن لم يتمكن من مقابلته منذ هذه الحظة إلى الآن، مشيرًا إلى أنه يريد العمل معه خلال الفترة المقبلة.

وشارك الفنان كريم الحسيني متابعيه منشورا له عبر حسابه الشخصي بموقع انستجرام، طلب من خلاله مقابلة تامر حسني من أجل العمل معه، قائلًا: فات سنة على نزول البوست ده وبرضه معرفتش أقابل الفنان المحترم تامر حسني، حاولت في خلال السنة دي أوصلك والله كل اللي شغالين معاك محدش بيرد عليا.

وأضاف كريم الحسيني: أوصلك أزاي أنا عارف إنك لو عايز توصلي هبقى عندك في المكتب بكره، صدقوني هذا المنشور ليس تقليل مني، أنا عارف إنه فنان محترم وراقي وبيحب يسمع أفكار جديدة ومتأكد إنه لو قعد معايا هيحصل خير.