الإنسان اللي بيخسر بيكون إيمانه ظاهري.. نشوى مصطفى عن تفسير محمد رمضان لآية قرآنية: تفسيره اتحقق قدامي

كشفت الفنانة نشوي مصطفي, تفسيرالفنان محمد رمضان لسورة العصر أثناء مشاركتهما سويًا في مسلسل الشركة، الذي طرح عام 2012، من إخراج معن القطامين.

وقالت نشوى مصطفى، في تصريحات خاصة: محمد رمضان فسر الآية (إن الإنسان لفي خسر) الواردة في سورة العصر بأن إلانسان اللي بيخسر بيكون إيمانه ظاهري.. لكن الإنسان اللي بينجح وبيحقق نجاحات كبيرة بيكون إيمانه صادق وليس ظاهري، وده كان الفرق بين البشر بالنسبة لـ محمد رمضان.. وده موقف شوفته قدام عيني مفيهوش ادعاء، ودي شهادة أتحاسب عليها.

وتابعت: محمد رمضان كان شايف إن الإيمان بالله مش مرتبط بمظهر، بمعنى إن ممكن الإنسان يكون مؤمن بالله جدًا وإحنا نتخيل إنه مش مؤمن بس ربنا يكرمه جدًا، ويبقى الخسران الإنسان الذي يدعي الإيمان.

واختتمت نشوى مصطفى حديثها قائلة: محمد رمضان كان بيسيب التصويرعشان يروح يصلي الفرض في ميعاده، أنا مش عارفة الكلام ده بيحصل حاليا واللا لأ، لكن أنا بقول شهادة حق.

تصريحات نشوى مصطفى

وعلى جانب آخر تحدثت نشوى مصطفى في لقاء سابق، عن تعاونها مع محمد رمضان في مسلسل الشركة الذي عُرض عام 2012، مؤكدة إنه كان مثالًا للاحترام والأخلاق.

وقالت نشوى مصطفى: أنا لم أشاهد محمد رمضان منذ 12 عامًا من وقت مسلسل الشركة، وأول مرة أقعد مع محمد رمضان، كان بيفسر لي سورة العصر، تفسير يخصه طبعًا.

وتابعت نشوى مصطفى: وفرحت جدًا إن الشاب ده مش بيسيب فرض، والقرآن بالنسبة له ورد يومي، الناس ممكن متصدقش ده، لكن ده أنا شوفته زمان.