السبت 22 يونيو 2024 07:42 مـ
مصر وناسها

    رئيس مجلس الإدارة محمد مجدي صالح

    غطاطي للإطارات
    فن وثقافة

    أنوشكا: مفيش فرح من غير راقصة.. والعقليات الرجعية يهاجمون الرقص الشرقي

    مصر وناسها

    تحدثت الفنانة أنوشكا عن هجوم البعض على الراقصات وفن الاستعراض بشكل عام، مؤكدة أن الرقص الشرقي فن راقِ.

    وقالت أنوشكا لـ القاهرة 24: مفيش فرح من غير راقصة، حتى راقصات الشمعدان بدأوا يرجعوا تاني، ولكن كان فيه فترة كنا بنعاني من أفكار ضبابية، وعقليات رجعية بيهاجموا الرقص الشرقي والاستعراض بجميع أشكاله، رغم إنه فن راقِ.

    وأضاف أنوشكا: الاستعراض فن راقِ، زي فرقة رضا واللي بتحمل اسم مصر في الخارج ولازم نواجه الأفكار الهدامة واللي بتهز مكانة الاستعراض، والاستعراض زي أي فن وزي التمثيل ممكن المخرج يقدم مشهد اغتصاب بدون ما يكون فج ويوصل المعنى للمشاهد، والمشكلة تكمن في نظرتنا إحنا.

    كما سبق وتطرقت أنوشكا للحديث عن إمكانية تقديم سيرتها الذاتية في عمل فني، وقالت في تصريح سابق: حياتي فيها إيه عشان أقدمها؟، أعتقد من الأفضل تقديم شخصيات خدموا الإنسانية زي الدكتور مجدي يعقوب، ولو هنقدم قصة حياتي ممكن تكون قصة صعود لأننا ملهمين للجمهور وبيقلدونا وأنا حياتي مكنتش كلها نجاحات.

    وأضافت أنوشكا: أنا مريت بـ إخفاقات كتير وسنين من التعب والتعلم، وتأثرت بالشخصيات الأكبر مني زي والدتي والفنانة سناء جميل وكنت بتعلم منها وبشوف بتتعامل إزاي، ووالدتي كانت ناقدة لاذعة ولكن جميع نصائحها كانت في محلها رغم أنها كانت متفرجة عادية.

    آخر أعمال أنوشكا
    وعلى جانب آخر، تعيش أنوشكا حالة من النشاط على المستوى الفني حيث شاركت في العديد من الأعمال الفنية التي حققت نجاحا كبيرا كان آخرهم مسلسل الأجهر.