زي القمر بس ماعندهاش موهبة.....منة فضالى تفتح النار على ياسمين صبرى

أصرت الفنانة الجميلة منة فضالى، على تمسكها برأيها السابق فى الفنانة ياسمين صبرى، وأشارت إلى أنها جميلة ولكنها لا تمتلك الموهبة الكافية للعمل بالفن، وأنه من الواجب عليها أن تدرس حتى تستطيع ان تُقدم دور البطولة.

وأكدت الفنانة، أثناء استضافتها ببرنامج “vip”، والتى تقوم بتقديمة الاعلامية أميرة بدر، والذى يُذاع من خلال فضائية “هى”، وقالت:ـ “ياسمين صبرى حلوة وبجد زى القمر وشيك أوى وكلاس، ولكن العمل بالفن عاوز موهبة”.

وتابعت منة:ـ “وأنا لو مش عندى الموهبة الكافية مش عيب إنى أدرس، وممكن أوى أكون فى البداية مش عارفة أمثل لكن مش هينفع أعمل دور البطولة، وده علشان القماشة ساعتها هتبقى واسعة على الفنان”.

وأنهت منة فضالى حديثها، بتوجيه نصيحة للفنانة ياسمين صبرى وقالت:ـ “ممكن تشتغلى موديل هتبقى كويسة، ولو عاوزة تبقى نجمة وبطلة اشتغلى على نفسك شوية، وده علشان مفيش حد يعلق عليكى”.