تعليق ناري من مايان السيد على منتقدي دورها في مسلسل “1000 حمدلله على السلامة”

حرصت الفنانة مايان السيد علي التعليق علي الإنتقادات الأخيرة الذي تعرضت لها بعد عرض مسلسها “1000 حمد لله على السلامة” بجانب الفنانة يسرا والذي يعرض ضمن السبق الرمضاني الحالي 2023.

وعبر حسابها الرسمي علي موقع التواصل الإجتماعي “إنستجرام”، ردت مايان السيد علي إنتقادات مسلسلها “1000 حمدلله على السلامة” فقالت :”ممكن يكون ناس كتير شافوا إنه دمي مش خفيف مثلا أو أن أنا مش لايق فيا الكوميدي وده من حقكوا يبقى ليكم رأي وتعبروا عن الرأي ده طبعا، وأنا من ناحيتي حلو إن أنا أعرف فين الانتقادات دي وإيه اللي أقدر أشتغل عليه ويبقى أحسن”.

وواصلت مايان السيد حديثها :”أنا لسه بتطور ومش بعتبر نفسي إن أنا خلاص بقيت فنانة.. أنا لسه بطور ولسه بكبر ولسه بتعلم وبتعلم من الأساتذه اللي أنا بشتغل معاهم ولسه يعني”.

واختتمت قائلة ً :”قررت إن المرادي ليه ما أجربش.. ليه ما ألعبش وليه ما أخدش ريسك؟.. أنا السنة دي كنت حابة إن أنا أعمل ده وأخد ريسك وأجرب حاجة جديدة بعيدة عني شوية في تقديم عمل كوميدي”.