الأربعاء 17 يوليو 2024 06:48 مـ
مصر وناسها

    رئيس مجلس الإدارة محمد مجدي صالح

    غطاطي للإطارات
    فن وثقافة

    تامر حبيب: ممتنع عن الصيام من 5 سنوات.. ولازم أشرب مياه على الريق يوميًا

    مصر وناسها

    كشف السيناريست تامر حبيب سبب امتناعه عن الصيام في شهر رمضان، مؤكدًا أن الأمر يعود لـ سبب مرضي، حيث إنه أجرى عملية تحويل مسار في وقت سابق.

    وقال تامر حبيب في تصريحات تلفزيونية: بقالي 5 سنين مش بصوم عشان العملية اللي عملتها تحويل مسار وقبلها كان جالي جلطة عشان كدة ممنوع أصوم، ولازم أشرب مياه على الريق كل يوم.

    وتابع تامر حبيب، أنه يحب الصوم وممتنع عن الصوم الآن بسبب حالته الصحية، مُضيفًا: دي علاقتي بربنا وأنا بحب الصيام ولحظة الفطار متربي عليها فبدأت أفطر من الوقت اللي ممنوع أصوم وكان سبب مرضي.

    وأشار تامر حبيب، إلى أنه لا يقدم المثلية الجنسية زيادة عن اللزوم في أعماله، متابعًا: مش بمرر المثلية الجنسية زيادة عن اللزوم في أعمالي، ودور الفن الكلام عن المسكوت عنه في كل المجالات وده نموذج موجود في المجتمع العربي وكل مجتمعات الدنيا.

    تامر حبيب: مش دوري أعمل اللي الناس تقبله
    كما كشف تامر حبيب، عن سبب قيامه بخرم أذنيه وارتدائه حلقًا في الأذن، مضيفًا: وداني مخرومة وكنت لابس حلق ومش بلبسه كل يوم لكن لما بكون في حاجة لها علاقة بالظهور في التلفزيون أو الإعلام مش بلبسه عشان مبقاش مستفز للبعض.

    وتابع: في رجالة بتلبس حلقان في كل حتة في الدنيا ولبس الحلق ثقافة أكتر منه ترتديه السيدات، وأنا لما خرمت ودني كان في 2020 ومكنتش في مصر، وفي مصريين بيلبسوا حلقان ومش دوري أعمل للناس اللي يتقبلوه.