غادة عبد الرازق: عندي قرون استشعار بتخليني أحس بالخيانة.. وبسببها بطلت يبقى عندي صحاب

كشفت الفنانة غادة عبد الرازق، أنها ليس لديها أصدقاء منذ 12 عاما، بسبب أنها تعرضت للخيانة منهم كثيرا، كما أكدت أن لديها قرون استشعار تشعر بها بخيانة الرجل.

وقالت غادة عبد الرازق خلال ندوتها في: أنا بتعامل بقلبي بس ده بيوديني في 60 داهية، لأن الناس بتفتكر أني هبلة أو عبيطة وده إحساس يضايق، لا أنا مش عبيطة أنا محترمة ومش بحب حد ييجي على كرامتي أنا أو أهلى.

وتابعت: تعرضت للخيانة أكيد في حياتي بس مقفشتهومش، وبالنسبة لخيانة الأصدقاء منهم اللي خانوني كتير لدرجة إني بقالي 12 سنة مثلا معنديش صحاب، وبنتي بتستغرب لما بقولها خارجة مع واحدة صاحبتي، فبطلت موضوع الصداقة ده عشان اتعقدت.

وأضافت: وبالنسبة لخيانة الرجل أنا عندي قرون استشعار بتحسسني بمؤشرات الخيانة، وطالما الإحساس ده جالي يبقى هفتش في الموبايل عشان أخربها ومش هيبقى فيه تسامح خالص.

غادة عبد الرازق تكشف طريقة التعامل مع الرجل الخائن
وفي السياق ذاته، كشفت غادة عبد الرازق طريقة التعامل مع الرجل الخائن، قائلة: شخصية الراجل هي اللي بتفرق في نوع رد الفعل على الخيانة، يعني فيه راجل ممكن تواجهيه وتكوني دخلتي نفسك في الحيطة، وهتقوليله يا أنا يا هي هيقولك هي ولو عايزة تمشي امشي، فهتبقي أذيتي نفسك بس.

وأردفت: وممكن راجل تكون شخصيته أنه بيخاف، ومجرد ما يحس أنك عرفتي هو يقطع العلاقة من نفسه خوفًا على البيت والأسرة، فشخصية الراجل هي اللي بتحدد هتتعاملي إزاي.