إلهام شاهين تروي موقفا لها مع عادل إمام بسبب ”الهلفوت”

كشفت الفنانة إلهام شاهين، عن موقف حدث بينها وبين الزعيم عادل إمام في فيلم "الهلفوت".

وقالت إلهام شاهين ببرنامج "المصري أفندي" : "عادل إمام حبيب قلبي ووش السعد عليا وتميمة الحظ بالنسبة لي".

وتابعت إلهام: "عادل إمام هو اللي اختارني لفيلم الهلفوت وهو اللي كلمني بلغني وبعتلي السيناريو وده كان قبل ما الإنتاج والإخراج يكلموني، وقالي أطلبي اللي انتي عايزاه أنا عايزك في الفيلم، وكان واضح ان عاملين ميزانية كبيرة، وكان فريق عمل عظيم الأستاذ وحيد حامد والدكتور سمير سيف، وشركة انتاج عظيمة".

وأوضحت: "في آخر يوم تصوير بشكره فسألني (مبسوطة وأخدتي الأجر اللي انتي عايزاه؟)، قولتله أه فسألني (أخدتي كام؟) قولتله 5000 جنيه، أستاذ عادل شخط فيا وقالي يالا يا عبيطة يا هبلة بقولك أطلبي الأجر اللي انتي عايزاه تطلبي 5000 جنيه، فقولته أنا كان المفروض أطلب أكتر قالي أه انتي مع عادل إمام قولتله أطلب كام 10 آلاف جنيه مثلا، قالي لأ أطلبي 50 ألف جنيه.

وأضافت: "أول جايزة في حياتي خدتها عن أحسن ممثلة كان عن فيلم الهلفوت".

فيلم "الهلفوت" عرض في السينما عام 1984 ودارت أحداثه حول عرفة مشاوير يعمل حمالًا في منطقة فقيرة، يعاني من الكبت الجنسي إلى أن يتزوج من وردة ويقضي جل وقته معها، لكنه يقع في ورطة لا يحسد عليها حين ينتحل شخصية الفتوة عسران.

وخاض بطولة فيلم "الهلفوت" عادل إمام وسعيد صالح وصلاح قابيل وإلهام شاهين ووداد حمدي وحسين الشربيني وعدد من الفنانين،ومن تأليف وحيد حامد ومن إخراج سمير سيف