وفاء مكي ترد على ميار الببلاوي: مغصبتكيش على حاجة وربنا هو اللي خلاكي تنطقي كلمة الحق

ردت الفنانة وفاء مكي، على التصريحات الأخيرة لـ ميار الببلاوي، بعد أن قالت إن وفاء حققت شهرة واسعة من ورائها لم تحققها طوال حياتها، وهو ما أغضب وفاء فاضطرت للرد عليها.

وقالت وفاء مكي: أنا عملت استغاثة في شهر 12 الماضي حققت فيها شهرة كبيرة، قبل تصريحات ميار الببلاوي في قضيتي بحوالي 4 شهور، لو محدش كان عارفني قبلها، فدا الجمهور اللي يحكم فيه، أنا بتكلم عشان يبقى الرأي العام والناس متابعة الخطوات اللي شغالين عليها عشان منضحكش على الناس.

وفاء مكي ترد على تصريحات ميار الببلاوي
وتابعت وفاء مكي: الناس عارفين قضيتي وعارفين قد إيه أنا اتبهدلت واتظلمت، وربنا أنطق ميار شهادة الحق أنا مليش يد فيه، مقدرش أقول لربنا أنت ليه خلتها تعمل كده، أنا مأجبرتهاش ولا قلت لها قولي حاجة، هي اللي ربنا خلاها تنظق بالحق، أنا مغصبتهاش على حاجة، لو الناس مؤمنة ببراءتي كتر خيرهم، والله بقول كلمة واحدة حلوة في حقي جزاه الله كل خير، واللي يغلط في حقي حسبي الله ونعم الوكيل أنا مش مسامحة.

وأضافت وفاء مكي: تواصلنا مع الشاهد اللي جبتوه وأنكر كل اللي قاله بالتسجيلات، الماكير بتاع الميكاج اللي بيعمل المكياج للمذيعة، وقال في التسجيل إن مشوفتش حاجة، ومعانا كل التسجيلات دي.

ويأتي ذلك بعد أن قالت ميار الببلاوي في تصريحات تلفزيونية لها إن وفاء مكي حققت شهرة بعد تصريحات ميار لم تحققها طوال حياتها، وهو ما أغضب وفاء فاضطرت للرد عليها.