حورية فرغلي تكشف مفاجأة عن أزمة زواجها من نزار الفارس (فيديو)

حورية فرغلي، قالت الفنانة حورية فرغلي: "نزار الفارس ممثل فشل لو كان بيمثل إنه بيحبني، ولما اتقابلنا مكنش معجب بيا خالص، وطول الوقت ماسك تليفونه، وبيبص فيه ومشغول وكإني مش قاعدة معاه".

رقصة نزار الفارس
وأضافت خلال لقائها ببرنامج "صبايا الشمس" الذي تقدمه الإعلامية ريهام سعيد بقناة "الشمس": "نزار الفارس سألني بيقول ليه انتي بتحبي ماجد المهندس، فقلت له أيوة بسمع أغانيه، فقال لي هسمعك أجدد أغانيه، وشغل الأغنية وفيه واحد كان ماسك تليفون من بعيد وهو بيصور، وبعدين طلب مني ممكن الرقصة دي، فقمت والله العظيم اتفاجئت وراسه عند كتفي، فأنا ضحكت غصب عني ومكنش قصدي فقلت له: ده انت قصير أوي".

سر وجع حورية فرغلي من نزار الفارس

وتابعت: "عرفت بعد كدة، وهما بيسألوه لو انت مش بتحبها ليه اتقدمت لها؟! فقال لهم علشان بجبر بخاطرها والكلمة دي وجعتني أوي".

حقيقة طلب نزار الفارس الزواج من حورية فرغلي

وأكدت حورية فرغلي: "مقاليش إنه عايز يتقدم لي ويتجوزني، ولكن أنا شُفته في البلكونة بيكتب رسالة إنه هيقول في البرنامج: أنا هقول إني عايز اتجوز حورية فرغلي على الهواء فقلت له إيه ده؟!، والموضوع كان هزار وضحك، وقلت أكيد بيعمل حاجة تنور الحلقة وتضحك الناس".

مشكلة لقاء نزار الفارس

ولفتت: “لقائي بنزار الفارس أصلا كان غريب جدا، لما بيقول لي إنتي مش شايفة إن كل اللى بتمري بيه ده ربنا بينتقم منك، علشان عملتي مشهد الكومبيوتر بتاع ”كلمني شكرا"، طب إيه ده؟! أقول له إيه، أنا عارفة إنه عمل لقاء مع رانيا يوسف، بس أنا كنت شايفة إنها هي اللى غلطت، بدليل إنه كسب القضية وهو اللى استدرجها".