غادة إبراهيم: مقبلش إن راجلي يلبس زي أحمد سعد.. وكدة هيشكوا في ميوله

علقت الفنانة غادة إبراهيم، على إطلالة الفنان أحمد سعد المثيرة للجدل في حفله بـ جدة، وأكدت أنها لن تقبل أن يرتدي زوجها مثل هذه الملابس.

وقالت غادة إبراهيم في تصريحات تليفزيونية: مبحبش الراجل اللي بيلبس زي أحمد سعد في حفلة جدة، هو مش هينقص من رجولته، بس هيتفهم غلط، أحمد راجل أوي وصعيدي، بس اتصدمت لما لقيته لابس كدة.

إطلالة أحمد سعد بحفل جدة
وتابعت: ده كدة لبس مش سوي، وممكن يشككوا في ميوله بسبب اللبس، وشوفت ناس مركبة جيبة على اللي هو لابسه، برغم إنه طول عمره بيغني تواشيح دينية، ونفسي أجيب الستايلست اللي لبّسه وأقوله منك لله دمرت الراجل.

وأضافت: مقبلش طبعا إن راجلي يلبس اللبس ده، أو يلبس حلق زي أحمد سعد، لو هو لبس كدة أومال أنا ألبس إيه؟ كدة يبقى أطلع على المسرح بـ البيبي دول بقى، ومع ذلك أنا من عشاق أحمد سعد، بس معرفش ليه لبس كده.

إطلالة أحمد سعد بحفل جدة
وكان أحمد سعد أثار جدلا واسعا، بعد إطلالته الغريبة في حفله بـ جدة في الشهر الماضي، ضمن احتفاليات موسم جدة، حيث ظهر مرتديا قميصا شفافا مخرم، وحلق في أذنه، مما أثار غضب جمهوره بشكل كبير.

غادة إبراهيم تعلق على ارتدائها للملابس الجريئة
على جانب آخر، علقت غادة إبراهيم، على ارتدائها للملابس الجريئة، قائلة: أنا لسه راجعة من العمرة من شهر ومن العمرة للعمرة يمحو الله ما بينها من ذنوب، وفي فرق بين الموبقات والكبائر، وأنا لا أقرب الكبائر، وبحب ألبس لبس فاشون وبعمل خير كتير يمحي لي السيئات، وبقرأ كتير في الدين وبصلي متواصل ومش بسيب فرض بقى لي أكتر من عشرين سنة.